| June's profileHome AlonePhotosBlogLists |  Tools  Help |
|
Home Alone4/2/2007 新居入伙多謝你哋咁賞面嚟到舍下一聚, 更加要多謝你哋嘅禮物, 多謝晒!
 不過嗰晚真係好唔好意思, 中途入房瞓咗, 我實在太攰太眼瞓喇, 希望你哋唔會嬲我啦...
 嗰晚我玩得好開心, 希望你哋都係啦...
我嘅兄弟, 得閒約埋上嚟打麻雀呀, 副麻雀等你哋嚟開齋呀...  7/17/2006 第三次觀禮今日同阿邦出咗嚟食飯, 佢話我知佢九月結緍, 喺我知道呢個消息之後我有兩樣嘢係開心嘅....1) 戥佢開心, 可以娶老婆; 2) 係佢仲記得我好耐之前講過如果佢結緍一定要請埋我......呢個朋友喺我最無助嘅時候, 比我一啲鼓勵/安慰, 雖然可能係一兩句說話, 但係對當時嘅我嚟講已經覺得好好好好.......我哋講番以前嘅一啲事, 我問佢會唔會請某某人, 佢話太耐冇聯絡所以唔打算請, 仲反問番我點解我會提起呢個人 (我同呢個某某人之前不和仲嗌過交!) 佢咁問我, 我已經諗唔起當時係因乜嘢嗌交, 嬲啲乜嘢同嘈啲乜嘢都已經唔記得咗, 我喺度諗究竟係我冇記性定係我唔算係一個記仇嘅人呢? 不過我諗我都係一個冇乜記性嘅人多, 唔鐘意記嘢唔鐘意諗嘢就係我嘅性格.....
如果加埋嚟緊九月呢個朋友仔嘅緍禮, 已經係今年第三次去觀禮, 第一次觀禮(亦都係咁大個女第一次)覺得超touching, 連我自己都感動到有啲眼濕濕....而第二次係上個月, 個感覺係完全唔同, 當新人交換完介指, 宣誓, 簽紙之後, 成個儀式亦都完成, 嗰刻我諗"吓, 就係咁架喇???" 完全有一紙緍書嘅感覺, 即刻對結緍呢樣嘢冇晒憧憬, 希望第三次嘅感覺唔會好似第二次咁啦, 如果唔係我對結緍呢樣嘢可能會...........  !6/17/2006 過山車呢兩個禮拜心情起伏超極端.....開心嘅時候好似識飛咁, 唔開心嘅時候會諗到去死......就係咁好開心-->極度唔開心-->超開心.....反反覆覆反反覆覆.....我有諗過我咁樣會唔會好快痴線.....救命呀!!!不過過咗星期一之後心情可以keep住開心到依家.....希望一路係咁就好喇!! 4/27/2006 玩出禍 星期一晚,準備瞓覺之前發生咗啲意外...........我唔小心整親佢隻眼呀, 我見到佢眼角膜損咗呀........當時我淨係識喊...."咁點算呀, 你去睇醫生啦!".....但係佢話"冇嘢喎, 聽日先算啦!!!" 我又黱雞喎, 都唔知應該點做, 我喺度諗.."死啦, 佢盲咗, 咁我點算呀? 佢會唔會怨我一世架?....死喇!!死喇!!死喇!!" 我個腦一片空白, 淨係諗到呢啲嘢............
夜媽媽同佢去急症室, 我又好似上次整親腳咁呃阿婆話我去食嘢, 其實自己去咗急症室, 廢事佢咁擔心.....
去到急症室, 等咗半個鐘先分流, 幫佢打咗支破傷風針, 跟住又等咗一個鐘先見到個醫生....醫生淨係幫佢驗眼, 同滴咗幾滴眼藥水, 跟住比埋轉介信同醫生紙......搞咁耐, 早之睇私家醫生好過......
第二日, 我同佢都冇返工, 我陪佢睇專科.......第二日起身仲驚, 佢話擘唔大隻眼同好痛......佢咁講完我又喊....."咁點算..........死喇!!死喇!!!" 到睇醫生, 醫生答嘅答案無凌兩可, 問佢好唔好得返同第時睇嘢會唔會唔清楚, 佢話睇吓個傷口埋得好唔好.....答咗即係冇答.........
直到今日, 佢都係擘唔大眼同好痛.......希望佢快啲好返唔好等我咁擔心啦~~~ 4/20/2006 喪玩最近呢兩個禮拜冇乜特別嘢發生, 最特別就係食士多啤梨buffet 同夜媽媽返大陸.......
士多啤梨buffet - - - 正!!! 5cm 嘅士多啤梨做不同款式嘅甜品, 唔好話食, 淨係睇都夠開心!!!
星期六同佢哋癲完之後, 斜斜哋咁過關, 斜斜哋咁揼骨, 爽呀!!! 最癲就係夜媽媽四點幾過關, 真係未試過......嘻!都幾好玩!!! 3/30/2006 performance incentive & 光良太耐冇上嚟update....有好多嘢想講, 不過講兩樣最近期先啦!!
尋日老細比咗個大信封我, 我劈頭第一句問佢"做咩呀?"
佢話"唔洗咁驚...." 原來係公司派performance incentive, 但係勁搞笑, 得general staff有, 本身有incentive嘅就冇.....如果有啲有, 有啲冇嘅話咁就唔好鬼叫performance incentive啦....叫得做performance, suppose係個個都有架嘛.....不過佢又唔可以叫bonus喎, 叫得做bonus嘅話佢就真係要個個都比......唉!!!你話呢間咩公司?
尋晚去睇光良演唱會, 好好睇, 佢唱歌好好聽.......正!!! 3/18/2006 新玩具最近多咗樣玩具比我玩, 呢個玩具仲好玩過篤波、猜枚飲酒.......
佢可以比我搓圓"禁"扁, 唔開心又可以咬吓、搣吓, 夜晚瞓唔著又可以鬧吓佢.....佢唔會駁咀, 唔會發脾氣, 最緊要係佢唔識還拖....
呢個玩具係乜嘢?! 咪係我男朋友囉.....鬼叫佢自己攞嚟賤, 佢仲有一年要捱, 睇吓佢幾時頂唔順.......嘻嘻!!!! 3/8/2006 friendsSorry to my friends for the previous msg, I only point to someone, but not the event....
I deeply apologize to those have hard feeling after reading the msg........ 2/28/2006 <<犀照>>今晚睇咗套戲.....十分驚嚇.....片長九十分鐘,我大概嗌咗三次......驚驚!!!
 雖然好驚,但係都覺得幾好睇,因為個劇情幾好,都係套值得一睇嘅戲~~~
但係我依家唔敢自己去廁所........好驚!!! 2/18/2006 非常繁忙的晚上尋日唔舒服, 今日都仲係好唔妥, 本來諗住早啲返屋企抖抖, 但係約咗哥哥食飯唔可以放飛機, 所以冇食嘢都要陪坐.......
IC話唔想返屋企, 佢過咗嚟屯門攞嘢&我比番啲嘢佢, 同佢篤咗兩板波.........
之後又約咗JoJo佢哋出嚟吹水........... 就係咁, 我喺一晚之內約咗3組人出嚟(仲要喺唔係好掂嘅情況下)......勁!!!  |
|
||||||||
Send a private message
Subscribe to RSS feed
Tell a friend
Add to My MSN
Add to your network
Sign up for alerts
.....唔好話返工,連出街玩嘅力都冇|
|
